بصوا ياقوم عشان ماتزهقوش وماتتضايقوش وماتتخنقوش من كتر القراية والكلام دة ....
النوت دى متقسمة تقسيمة كده جت من عند ربنا ل 3 حتت ...
وبأختصار شديد عنيف لذيذ
الحتة الاولانية شـويـــــة اسئلة غلاســـــة
الحتة التانيةحدوتة صغنونة تنفع تتقال قبل النوم للرياحين الصغيرين الحلوين
الحتة التالتة بقى""تيودر روزفلت "" آآآيون ""تيودر روزفلت "" عاجبكم ولا مش عاجبكم يعنى؟؟
سبحان الله تقرأو حتة بقى حتتين ولا تعملوا معروف وتقرأوها كلها ..برااااحتكم خالص ...
ياللا لما نبدأ بقى عشان الموضوع مش ناقص رخامة اكتر من كدة صح؟؟
بسم الله السلام عليكم ياجماعةعاملين اييه؟
اخبار الحياة معاكم ايه ؟الدنيا بيضا ولا سودا ولا بمبى ولا من ده على ده؟؟؟مصيفين ؟ مشتيين ؟ مركزين ؟ لأ ؟ طب مهيسين ؟
معلش بقى انا قلت انها اسئلة رخامة استحملونى اذا سمحتم ..
طب بلاش كل ده ..نشوف سؤالين حلوينممممممممممأيه اخبار وردكم القرآنى ؟؟ ربع ..حزب..جزء....جزئين؟طب أخر مرة قرأتم فيها سورة الرعد كانت امتى ؟؟
اشمعنى سورة الرعد ؟؟خلاص طب حافظين الأية 11 منها ؟؟ اكيد يعنى حافظينها 100%مش هقولها عشان انتوا حافظينها... ماشىييييييييييه كفاية بقى اسئلة لحد كدة عشان الناس تعبت وندخل ع الحدوتة أحسننن
فى يوم من ذات الايام بس مش من قديم الزمان أوى يعنىكان فى واحد اسمه ""بل جيتس"" اوعى يكون حد مش عارفه ...ازعل والله المهم..بل جيتس ده كان نايم فى بيته وفجأة..صحى على صوت صاحبه الانتيم وهوا عمال يشخط فيه عشان يصحيهصاحبه ده بقى كان جايبله حتة خبر...يااااه رااائع جداالخبر ده...انه كان فيه شركة كبييييييرة اعلنت فى جرنال من ضمن الجرايد اللى عندهم انها محتاجة لبرنامج معين للكومبيوتر..
ييييييييه اهو جيتس سمع الخبر من هنا ووشه أحمررر وعنيه دخلت لجوه ومبقاش مصدق نفسه خااالص..ومخه اتبرمج على التفكير فى جملة واحدة"" اللحظة دى بتاعتى ولا يمكن اخسرها ابدا""
وراح عامل حركة مجنونة جدامع انه ما يعرفش اى حاجة عن تركيبة البرنامج اللى طلبته الشركةالا انه راح متصل بالشركة هوا وصاحبه وبلغوها انهم مستعدين بالبرنامج ..وراحت الشركة محددة معاهم ميعاد بعد كام يوم ..سبحان اللهطول الايام دى بقى شغل ليل مع نهار ...مفيش لحظة تعدى الا لما بيعملوا حاجة فى البرنامج........خلص الكام يوم...وخلص البرنامج كلللله من مجاميعه...وجيتس دلوقت فييييييين ؟؟"بل جيتس ""صاحب شركة مايكروسوفت ...والمتربع على عرش اثرياء العالم من عدة سنوات ياااااااااااااااه فعلا سبحان الله الوهابياترى احنا كمان فيه لحظات عدت مننا كان ممكن تحولنا كدة التحول ده؟؟؟
الاجابةل طبعا لييييييييييييه؟
لأن اللحظة دى ان شاء الله لسة معدتش وهتيجى قريب أوى ان شاء الله..بس لو احنا عايزنها تيجى...مش كدة ولا ايه؟؟
الحتة التالتة والأخيرة بقى فهيا عبارة عن مقولة للرئيس الامريكى رقم 26 تيودر روزفلتكان بيقول فيها ايه بقى""" افعل ما يوسعك بما فى يدك حيث أنت """
بصوا لصفاتكم..مميزاتكم..امكانياتكم..بصوا قدامكم ..واوعى تبصوا وراكموماتنسوش تقولولى لقيتوا ايه؟؟الحمد للهخلصوا ال 3 حتت...سبحانك اللهم وبحمدك نشهد ان لا اله الا انت نستغفرك ونتوب اليك
