لن يسبقنى الى الله احد

سلام عليكم ورحمة الله وبركاته

لو سمحتوا تشربوا بق مايه قبل ماتقرأو النوت دى وبعدها عشان نفسى بصراحة تبلعوا الكلام ده كويس المهم عشان مرخمش اكتر من كدة انا هدخل فى الموضوع على طول بس معلش سؤال كدة ع الماشى على طريقة مسابقات القناة السابعة والعشرين اللى مبعرفش هى لازمتها ايه فى الحياةالمهم عشان مانرجعش تانى فى موضوع الرخامة اللى فى دمى دى السؤال اهوه......من هو مخترع التليفون؟؟؟برافو برافو سمعتكوا كلكوا بتقولوا طبعا جراهام بل وسمعتكوا برضة بتقولوا ايه الغباء ده بس مش مشكله.....مسامحكوا ندخل على السؤال اللى بعدهمين هو بقى " اليشع جراى " ؟؟؟اللى يجاوب ليه تلاجة اوتوماتيك وبتاكل لوحدها كمان....شفتوا الأغراءات الجامدة بتاعتى دى....ربنا يحمينى ياربطبعا عارفة ان محدش عرف يجاوب ويمكن كمان معرفتوش تقرأو الاسم بتاع الراجل العجيب ده....لو سمحتوا محدش يقاطعنى دعونا نعمل فى صمت......المهم الغريب فى الموضوع ان اليشع جراى ده برضه مخترع التليفون.....أاااااااااااه والله تصورواهو برضه فكر وجرب وفضل يدور عن حاجة تنقل الصوت من مكان لمكان والغريب برضه ان ده كله حصل فى الفترة اللى كان جراهام بل بيدور هوا كمان فى نفس الموضوعواخيرا نأتى الى اللحظة الحاسمة وصل اليشع جراى الى اختراع يكاد يكون مطابقا لاختراع جراهام بل والاكثر غرابة انه تقدم لتسجيله فى مكتب براءات الاختراع الامريكى فى نفس اليوم اللى راح فيه منافسه لتسجيل اكتشافهلكننا دلوقت مانعرفش غير جراهام بل .....واحد برضه هيقاطعنى لتانى مرة ويقولى طب واشمعنا بيل هوا اللى خد الشهرة كلها لوحده هو كان فيه كوسة كمان فى امريكا زى اللى موجودة عندنا فى العصر المهبب ده؟؟؟؟هرد على الاخ ده بكل بساطة واقوله انه جراهام بل امه كانت داعياله فى اليوم ده عشان كده اتحكم لصالحه بحق الملكية الفكرية..؟؟ اللهم اوعدنا ياااااااااارب ايوة كدة يابنات سمعونى اسئلتكم الرائعة دى؟؟ اصل انا سامعة اخت بحبها اوى فى الله بتسأل ..طب وعلى اى أساس يالبنى صدر هذا الحكم؟؟حبيبتى فى الله سؤالك فعلا رائع والاجابة مدهشةتخيلوا ان الفكرتان المقدمتان للجهاز الجديد كانت متساوية تماما من حيث الجودة والاتقانوفى النهاية لم تكن هناك وسيلة لتفضيل احداهما على الاخرى سوى وقت التسجيل....!!!!وعندما تم الرجوع الى ساعة التسجيل وجدوا ان جراهام بل سبق منافسه بساعة واحدة بس....تخيلوا..........ساعة واحدة بس كانت كفيلة لاعطاء كل المجد والشهرة والاموال لجراهام بل و حرمانها من اليشع جراىسبحان ربى العظيم......ساعة واحدة بس رفعت بشخص الى مصاف كبار العلماء وهبطت بالأخر الى دروب النسيان.....سبحان الله لو الواحد رجع لقدوتنا العظيم حبيبنا رسول الله صلى الله عليه وسلم وحياته..اللى كانت كلها مثال لرجل يمتلك روح المبادرة...فعلى الرغم من كونه الاضعف امام بطش قريش - ولا اقصد طبعا ضعفا فى شخصية معلم البشرية وانما ضعفا عدديا بين كفة الكفر والايمان_الا انه صلى الله عليه وسلم كان دائما يفرض فكره واسلوبه على الصراع الدائر بين النور والظلام وكانت خطوات قريش فى كل الاحوال مجرد ردود فعل لمبادراته السباقة....حقا معلما للبشرية.....صلى الله علييه وسلمالمهم عشان مش عايزة أخد من وقتكوا اكتر من كدةشوفوا بقى كام واحد سبقكوا الى الله فى الوقت دهبس نفسنا كلنا نرفع شعار لن يسبقنى الى الله احدولو حتى ليوم واحد والله والله والله هنغير كتييييييييييييييييييييييير اوى حوالينادلوقت بقى تروحوا تشربوا بق الماية الاخير عشان الكلام اللى زى الطوب ده يتهضم شوية.....بس بالله عليكوا افتكرونى بأى دعوة حلوةسلام عليكم